RC RUVUMA AWAONYA WANAOINGIZA PEMBEJEO BANDIA

Na Amon Mtega, Songea

MKUU wa Mkoa wa Ruvuma, Said Mwambungu, amewataka mawakala wanaoingiza pembejeo za kilimo ambazo ni bandia kuacha tabia hiyo, kwa kuwa wanawaumiza wakulima.

Kauli hiyo aliitoa mjini hapa juzi, alipoelezea hatua mbalimbali za maendeleo ya mkoa huo, ikiwamo suala la kilimo na ajira zisizo za kitaalamu kwa wazawa wa mkoa huo.

Alisema pamoja Ruvuma kuwa na rasilimali nyingi za kiuchumi, lakini uchumi wao mkubwa ni kilimo hivyo haistahili kwa baadhi ya mawakala wa pembejeo kuwasambazia wakulima zilizokuwa bandia.

“Kumekuwapo kwa malalamiko kutoka kwa wananchi kuwa pembejeo walizosambaziwa na baadhi ya mawakala zimekuwa bandia kwa kuwa zilishindwa kufanya kazi iliyokusudiwa katika suala la kufanikiwa kwa Kilimo Kwanza ipasavyo.

“Serikali inafanya kila jitihada ya kufanikisha Kilimo Kwanza ili wananchi wake waondokane na tatizo la njaa na ndio maana tumeweza kugawa matrekta kwa ajili ya kilimo kwa mikopo kwa wakulima kwa ajili ya kufanikisha Kilimo Kwanza.

“Eneo lililoongoza kupewa lawama hasa upande wa mbolea ambayo ilikuwa ikichanganywa na chumvi na saruji kwa mbolea zilizokuwa zikielekeana na bidhaa hizo jambo ambalo limewakwamisha wakulima kwa kiasi kikubwa,” alisema Mwambungu.

Alisema kwa sasa Serikali itakapobaini kuna watu wanafanya kazi ya kuwaumiza wakulima haitawafumbia macho.

“Wakulima wa mkoa huu shida yao ni kupata pembejeo inayofaa yenye viwango vya ubora kwa kuwa hawa ni watu wanaojituma katika utendaji wa kazi za kilimo ambazo zinafanya mkoa wetu kuwa na heshima kubwa ndani ya Taifa hili,” alisema Mwambungu.

Chanzo: Mtanzania

MADIWANI WAFUNDWA KUHUSU SENSA

na Julius Konala, Mbinga

MADIWANI wa Halmashauri ya Wilaya ya Mbinga mkoani Ruvuma, wametakiwa kushiriki kikamilifu, kuhamasisha wananchi ili waweze kujitokeza kwa wingi katika sensa ya watu na makazi kwa lengo la kuhesabiwa.

Rai hiyo ilitolewa na Mkuu wa Wilaya hiyo, Senyi Ngaga, alipokuwa akifungua mafunzo ya siku moja kwa madiwani hao, kuhusiana na uhamasishaji wa sensa ya watu na makazi itakayofanyika Agosti 26.

Ngaga alisema madiwani hao wana wajibu mkubwa katika kata zao, kwa kuwaelimisha wananchi kushiriki mchakato huo ambao taifa linategemea kupata takwimu sahihi za idadi ya watu ambazo zitasaidia kupanga shughuli za maendeleo.

Naye Mratibu wa Sensa wilayani Mbinga, Maurus Hyera, alifafanua kuwa katika wilaya hiyo maeneo yaliyotengwa kwa ajili ya zoezi hilo ni 747, kati ya hayo 230 yatatumia dodoso refu na yaliyobaki dodoso fupi.

Aliongeza kuwa, wilaya hiyo itakuwa na wasimamizi 76 ambao watawajibika kusimamia kikamilifu katika kuhakikisha shughuli hiyo inaendeshwa katika hali ya usalama kwa mujibu wa taratibu zilizowekwa kisheria.

Chanzo: Tanzania Daima

WATAKIWA KUSHIRIKIANA

na Stephano Mango, Tunduru

WAKAZI wa Wilaya ya Tunduru mkoani Ruvuma wamehimizwa kutoa ushirikiano katika ulinzi wa maliasili za taifa, ili wananchi wote waweze kufaidi matunda ya rasilimali hizo.

Wito huo ulitolewa na Mkuu wa Wilaya ya Tunduru, Chande Nalicho wakati akifungua mafunzo ya siku 15 kwa wanajumuiya wanaojishughulisha na uhifadhi wa maliasili kwa jamii za jumuiya za hifadhi za Nalika na Chingoli.

Mbali ya kupongeza juhudi za uendeshaji wa mafunzo hayo, alisema kupitia mafunzo hayo serikali inaamini kuwa kila mtu atatimiza wajibu wake na kutokomeza ujangili.

Akizungumzia faida za mafunzo hayo, Mkurugenzi wa mradi wa kuhifadhi ushoroba mtambuka wa Selous – Niassa, Kumrwa Ngomelo, alisema mradi huo unaofadhiliwa na Serikali ya Ujerumani kupitia Benki ya Wananchi wa Ujerumani – KfW, unalenga kuwashirikisha wananchi katika uhifadhi wa rasilimali za maliasili hususani wanyamapori kwa kuunda jumuiya za uhifadhi (Wildlife Management Areas).

Alisema, mafunzo hayo yanalenga kupambana na tatizo la ujangili ambao wananchi pia wamekuwa miongoni mwa washiriki wa vitendo hivyo na kufichiana siri kwa matukio hayo.

Wakizungumzia hali ya ujangili wilayani Tunduru, Ofisa Wanyamapori, Peter Mtani na mshauri Idara ya Maliasili Wilaya ya Tunduru mradi wa Wanyamapori Selous – Niassa, Elias Mungaya, walisema taifa lisipochukua hatua za makusudi kudhibiti uwindaji haramu kupitia uanzishwaji wa jumuiya hizo, ubinafsishaji na uwindishaji wa kitalii hautakuwa na faida yoyote kwa watalii na wawindaji hao.

Akizungumza kwa niaba ya wanajumuiya hao, Mwenyekiti wa Jumuiya ya Chingoli, Dauda Mohamedi, alisema baada ya mafunzo hayo, wajumbe hao watatekeleza majukumu yao bila woga tofauti na awali ambapo kulikuwa na tabia za kutupiana majukumu kati ya viongozi wa serikali na jumuiya hizo.

Chanzo: Tanzania Daima

MUFTI ASISITIZA WAISLAMU WASHIRIKI SENSA

Na Amon Mtega, Songea

WAISLAMU nchini wametakiwa kushiriki kikamilifu zoezi la hesabu ya nyumba na makazi (SENSA), itakayoanza Agosti 26 mwaka huu, kwa kuwa hilo si suala la kidini wala la kisiasa bali ni maendeleo ya kitaifa katika kufanikisha utekelezaji wa maendeleo kwa watu wake.

Wito huo umetolewa jana na Sheikh Mkuu wa Tanzania, Mufti Issa Shaaban Simba wakati wa baraza la Eid el-fitr ambalo kitaifa limefanyika Ukumbi wa Sekondari ya Wasichana ya Songea mkoani Ruvuma na kuhudhuriwa na viongozi wa vyama na serikali pamoja na waumini mbalimbali.

Mufti Simba alisema kuwa, serikali imetangaza suala la sensa ambalo ni la kitaifa, ikiwa na lengo la kupata idadi sahihi ya watu wake, ili kufanikisha maendeleo hivyo ni lazima kujitokeza kuhesabiwa kikamilifu.

“Inashangaza kuona baadhi ya watu wanapita kushinikiza watu wasifanye zoezi hilo wakidai halina maana na kuingiza masuala ya kidini, jambo ambalo ni kinyume cha taratibu zilizowekwa,’’ alisema.

"Ili maendeleo yaweze kupatikana kwa Watanzania na kupata fursa stahiki, ni lazima kujitokeza kwenye zoezi hili la sensa na kuwapuuza wanaopita na kueneza uwongo na kuweka chuki ambazo hazina sababu.

Aidha katika hatua nyingine aliwataka Waislamu kujenga mshikamano wa kimaendeleo, ili waweze kusonga mbele na kuachana na malumbano ambayo yanakwamisha maendeleo kwa vizazi vijavyo, vinavyowategemea.

"Waislamu tumekuwa nyuma sana katika jambo la kujitoa kimaendeleo, hivyo nawaombeni dumisheni mshikamano kwa kuacha malumbano yasiyo na msingi, ili tufanikishe kusonga mbele kimaendeleo,’’ alisema Mufti Simba.

Naye mkuu wa mkoa wa Ruvuma, Said Mwambungu aliyekuwa mgeni rasmi katika baraza hilo kwa niaba ya Rais Jakaya Kikwete alisema kuwa, anazipongeza taasisi zote za kidini kwa kuwahimiza waumini wao kushiriki kikamilifu zoezi la sensa.

Katika hotuba yake, Mwambungu alisema kuwa, serikali inathamini michango inayofanywa na taasisi za kidini, kwa kuwa zinasaidia kuleta maendeleo kwa wananchi wake ambao wote ni Watanzania wanaonufaika na huduma hizo.

Alisema kuwa, sensa haihusiani na dini ya mtu bali lengo kubwa la sensa ni kutaka serikali kupata takwimu za idadi sahihi ambazo zitaiwezesha kupanga mipango sahihi kwa kuzingatia idadi itakayokuwepo.

Chanzo: Mtanzania

WANAFUNZI SONGEA GIRLS WABAKWA KIMAZINGARA NA WANAUME

Mwandishi wetu, Songea

Wanafunzi wa Shule ya Sekondari ya Wasichana Songea wameiomba Serikali kuwaongezea ulinzi kutokana na kufanyiwa vitendo vya kubakwa kimazingara nyakati za usiku.

Dada Mkuu wa Wanafunzi wa Sekondari ya Wasichana ya Songea Janemary Mwinyikombo amesema tabia ya kuingiliwa kimwili mara mara na wanaume imeongeza hofu ya wanafunzi na kusababisha wanafunzi kushindwa kujisomea nyakati za usiku.

Janemary Mwinyikombo akiwa na Katibu wa wanafunzi Bernadetha Mathew Pamoja na Wanafunzi waliofanyiwa vitendo vya kinyama ikiwa ni pamoja na kuchaniwa nguo kwa wembe na Mwanaume ajulikanaye kwa jina la Ankol ambaye mara kwa mara huingia kwa njia ya kimazingara wamesema hali hiyo inawakosesha raha shuleni hapo

Wamesema pamoja na wanafunzi kufunga milango na kupigilia misumari kwenye madirisha lakini cha kushangaza wanaume hao huingia na kuchana nguo za wasichana maeneo ya kifuani na sehemu za siri.

Rosemary amesema hali hiyo hutokea kuanzia saa saba usiku ambapo wanafunzi hao hukumbwa na hali ya kushindwa kusema pindi mwanaume huyo anapoingia bwenini.

Hata hivyo wameomba jamii na wazee wa mila kukaa na kuweza kulitatua tatizo hilo vinginevyo itasababisha wanafunzi kuathirika zaidi kisaikolojia jambo litakalo sababisha elimu kuporomoka shuleni hapo.

Mwalimu Mkuu wa shule hiyo Welinald Riki Liwiki amekiri kuwepo kwa Vitendo hivyo na amesema ameongeza ulinzi, yeye mwenyewe pia anashiriki ulinzi, ameomba Jamii kushirikiana na shule katika kuwafichua watu wanaofanya vitendo hivyo kwa wanafunzi.

“Nimekuwa nikishiriki katika ulinzi wa usiku na nakumbuka siku moja nilinusurika kuuwawa na mlinzi wetu baada ya kudhani mimi ndiye mwanaume anaye waingilia wanafunzi kimazingara” amesema Liwiki

Shule ya Sekondari ya wasichana Songea kwa miaka miwili mfululizo kumekuwa na vitendo vya wanaume kuwaingilia wanafunzi kimazingara hali inayowafanya wanafunzi hao kuishi kwa wasiwasi na kukosa umakini wa kusoma shuleni hapo.

Blogzamikoa

www.blogszamikoa.blogspot.com 

VIWANJA 18,000 KUTOLEWA KWA WANANCHI

na Julius Konala, Songea

KAMPUNI ya upimaji wa viwanja ya Ardhi Plan L.td inayofanya kazi zake katika Kata ya Mshangano Manispaa ya Songea mkoani Ruvuma inatarajia kugawa viwanja 18,000 kwa wananchi walioomba ili waweze kuviendeleza.

Mkurugenzi wa kampuni hiyo, Gombo Samandito, alisema hayo hivi karibuni wakati akizungumza na wananchi katika mkutano wa kata hiyo.

Alisema kuwa viwanja hivyo vitagawiwa kwa wananchi ambao waliomba kupimiwa kupitia kampuni hiyo kwa kuzingatia ramani inayostahili pamoja na kuwajali wale wenye makazi yao ya siku nyingi kubakia sehemu stahiki.

"Kampuni yangu imeweza kutatua kero iliyokuwa ikiwakumba wananchi tangu siku nyingi kufuatia suala la ardhi ambalo kwa muda mrefu wananchi walikuwa wakilalamika kuishi katika makazi holela yasiyo rasmi kisheria,” alisema mkurugenzi huyo.

Alieleza kuwa kampuni yake imeisaidia serikali kukabiliana na kero zilizokuwa zikiwakabili wananchi na kubaki wakiilaumu serikali siku zote wakati uwezekano wa kulitekeleza upo.

Naye mkazi wa kata hiyo, Pumziko Mlelwa aliipongeza kampuni hiyo kwa kuwaepushia migogoro iliyokuwa ikijitokeza katika ardhi na kueleza kuwa zoezi hilo litawasaidia kupunguza migogoro hiyo.

Chanzo: Tanzania Daima

PICHA ZA MAADHIMISHO YA SIKUKUU YA IDD KITAIFA MJINI SONGEA

 Mkuu wa Mkoa wa Ruvuma Said Mwambungu kulia akimkaribisha shekhe mkuu wa tanzania mufti Issa Shaban Simba kushoto,wakati wa swala ya idd el fitri iliyofanyika katika msikiti wa masjidi Hudda mjini songea.

 Shekhe mkuu wa Tamnzania mufuti Issa Shaban Simba akiingia katika msikiti wa masjid Hudda wakati wa swala ya idd el fitri mjini songea ambayo kitaifa ilifanyika mkoani Ruvuma.

 Shekh Issa Shaban Simba akitoka katika swala ya idd el fitri ambayo kitaifa ilifanyika mkoani Ruvuma.

 Imamu  wa msikiti wa masjid Hudda Sheke Shaban Mbaya akito mahubiri kwa waumini wa dini ya kiislamu wa wilaya ya songea wakati wa sikukuu ya idd el fitri ambayi kitaifa ilifanyika katika msikiti huo

 Shekhe mkuu wa Tanzania shekhe Issa Shaban Simba akizungumza na waumini wa dini ya kiislamu wa mkoa wa Ruvuma  katika msikiti wa masjid Hudda manispaa ya songea wakati wa swala ya Idd el fitri ambayo kitaifa ilifanyika mkoani Ruvuma

 Akina mama wa dini ya kiislamu wakisubiri kumuona kiongozi wa dini hiyo nchini mufti Issa Shaban Simba (hayupo pichani) kabla ya kuanza kwa swala ya Idd mjini songea.

 Baadhi ya wakazi wa manispaa ya Songea wakiwa katika foleni wakisubiri kununua nyama ikiwa ni maandalizi ya ikukuu ya Idd el Fitri ambayo kitaifa ilifanyika wilayani Songea,

 Muuza nyama ambaye hakufahamika jina lake akimwagia utumbo maji ili usiharibike kama alivyonaswa na mjini songea

Wakzi mjini songea wakiangalia bidhaa zilizopangwa chini bila kujali afya za walaji wakati wakiwa katika maandalizi ya sikukuu ya Idd mjini humo.

Picha zote na Joyce Joliga

Blogzamikoa

www.blogszamikoa.blogspot.com 

SWALA YA IDD EL FITR KUFANYIKA RUVUMA, RUVUMA YETU INAKULETEA MATUKIO YOTE YA SWALA HIYO

na Veronica Kazimoto

SWALA ya Eid el Fitr na Baraza la Eid kitaifa mwaka huu vitafanyika mkoani Ruvuma katika Masjid L-huda Msikiti wa BAKWATA uliopo katika Halmashauri ya Songea.

Kwa mujibu wa taarifa iliyotolewa na Katibu Mkuu wa Baraza Kuu la Waislamu Tanzania (BAKWATA) Suleiman Lolila, Swala hiyo itafanyika leo.

Taarifa hiyo imefafanua kuwa Baraza la Eid litafanyika kuanzia saa kumi alasiri na mgeni rasmi anatarajiwa kuwa Mkuu wa Mkoa wa Ruvuma, Said Mwambungu.

Chanzo: Tanzania Daima

MADIWANI RUVUMA WAONYWA

na Julius Konala, Songea

KATIBU Tawala Mkoa wa Ruvuma (RAS), Hassan Bendeyeko amewataka madiwani katika halmashauri kuacha kuwafukuza kazi watumishi kwa sababu zisizo za msingi.

Bendeyeko alitoa rai hiyo jana mara baada ya kupewa nafasi ya kujitambulisha na Mwenyekiti wa Halmashauri ya Wilaya ya Songea, Rajabu Mtiula katika kikao cha baraza la madiwani wa halmashauri hiyo kilichofanyika kwenye Ukumbi wa Jumba la Maendeleo mjini Songea.

Alisema kuna baadhi ya watumishi katika halmashauri mbalimbali mkoani Ruvuma wamesimamishwa kazi au kuachishwa baada ya kuadhibiwa na madiwani hao kutokana na sababu zisizohusiana na utendaji kazi wao.

Bendeyeko alisema sababu nyingine inayosababisha kuzorota kwa halmashauri ni kutokana na kukithiri kwa migogoro baina ya madiwani na watumishi katika halmashauri hizo.

Hata hivyo, uchunguzi wa gazeti hili umebaini kuwa migogoro mingi kati ya wakuu wa idara na madiwani katika halmashauri inatokana na kunyimana fedha za miradi ya maendeleo.

Aidha, katibu tawala huyo wa Mkoa wa Ruvuma aliwataka madiwani hao kuhakikisha wanasimamia kikamilifu shughuli mbalimbali za maendeleo kwa lengo la kuondokana na kupata hati chafu.

Naye Mkuu wa Wilaya ya Songea, Joseph Mkirikiti aliwataka watumishi na watendaji wa halmashauri hiyo kujenga tabia ya kuwajibika katika maeneo yao ya kazi na kutatua kero za wananchi badala ya kutumia muda mwingi kufunga ofisi na kuzunguka mijini pasipo sababu za misingi.

Chanzo: Tanzania Daima

KUNDI LA WOODVILLE ALLIANCE CHURCH LATOA MSAADA SONGEA

 wakifurahi na wenyeji wao katika ngoma ya lizombe

 kundi la woodville alliance church toka marekani wakiwa  katika picha ya pamoja na wenyeji wao

   Wake kwa waume walikuwa kazini

  watoto wakifurahi mabegi ya shule  ..

  tukishiriki katika ujenzi wa nyumba za wasiojiweza

  Karunda toka Mwangaza jitegemee USA pamoja na woodvile alliance church wakiwafariji watoto yatima kwa misaada mbali mbali

Matt  Hesselgrave mkandarasi akimfariji mama Leodard ambaye ni mlemavu    baada ya kujengewa nyumba ya kisasa

      na wataalam hao wa woodvile church kwa kushirikiana na Mwangaza jitegemee USA

MTOTO ATUPWA JALALANI SONGEA

Adam Nindi, Songea

 

Mwenyekiti wa Mtandao wa Polisi Wanawake Anna Tembo amewataka wanawake wa Mkoa wa Ruvuma kuwa na huruma kwa watoto wanaowazaa. Sifa ya kwanza ni kuwa na upendo na huruma kwa watoto.

 

Mwenyekiti wa Mtandao wa Polisi wanawake Mkoa wa Ruvuma Inspekta Anna Tembo ameyasema hayo baada ya Mtoto mmoja mwenye umri wa miezi 5 kutelekezwa kwenye Ghuba ya takataka eneo la Majengo Manispaa ya Songea.

 

Mwenyekiti wa Mtandao wa Polisi wanawake Mkoa wa Ruvuma  Anna Tembo  amesema kitendo cha mtoto mdogo kumtelekeza kwenye jalala ni sawa na Mtoto kuwatupia Mbwa wamle hiyo ni kukosa sifa halisi  ya  Mama.

 

Anna Tembo amesema Mtoto huyo wa kiume ambaye aliokotwa kwenye Jalala katika manspaa ya songea Majengo anahifadhiwa na Mama mmoja ambaye amejitolea kumtunza.  

Mtoto huyo hana nguo, anahitaji chakula ambacho ni Maziwa mwenyekiti amewaomba wasamalia wema wajitokeze kumsaidia kupitia Mtandao wa Polisi wanawake mkoa wa Ruvuma.

 

Mama ambaye amejitolea kumtunza Mtoto huyo wa kiume Futuma Ndimbangi  amesema usiku wa saa moja jioni aliitwa na shemeji yake na kumtaka aende na taa nje walipofika eneo la tukio walimkuta mtoto akilia kutokana na baridi pia alionyesha kuishiwa nguvu alipo pelekwa hospitali alionyesha kuwa  hajala kwa muda mrefu.

 

Mkoa wa Ruvuma ambao ulisifika kwa huruma kwa wageni na kusifiwa kwa kutunza watoto sasa umeingia kwenye adha ya ukandamizaji kwa kutesa watoto, katika mwezi mmoja zaidi ya watoto 3 wameokotwa na watoto wawili kuuwawa na mama zao ambao kesi zao zipo Mahakamani.

Blogzamikoa

www.blogszamikoa.blogspot.com 

CHADEMA NEWALA YAZOA 276 CCM

na Andrew Chale

VUGUVUGU la Mabadiliko (M4C) linaloendeshwa na Chama cha Demokrasia na Maendeleo (CHADEMA) limeendelea kukichanganya Chama Cha Mapinduzi (CCM), Wilayani Newala, na kufanikiwa kuzoa wanachama 276.

Katibu wa CHADEMA, Wilaya ya Newala, Mhunzi Rashid, katika taarifa yake iliyotolewa jana kwa vyombo vya habari, alisema kuwa wananchi mbalimbali wengi wao wakitokea CCM, walifanikiwa kujiunga na chama hicho baada ya kufanya mikutano ya ukombozi kwenye kata tano na vijiji vyake vipatavyo 32.

“Tumetumia uwezo na elimu bora tuliyoipata kutoka kwa viongozi wa kitaifa wa CHADEMA waliopata kutembelea mikoa ya kusini na pia walipofanya mikutano yao hapa imetutia ujasiri mkubwa, nasi kufanikiwa kupata wanachama hawa,” alisema Mhunzi.

Katika mikutano hiyo, Kata ya Kitangari waliweka kambi kwa siku saba na kufanya mikutano ya hadhara na kuvunja ngome ya CCM.

Mhunzi alitaja kata nyingine walizotembea katika jimbo hilo la Newala lenye kata 28 kuwa ni Mtopwa, Maputi, Nandwahi na Chiwonga.

Aliwataja baadhi ya vigogo ndani ya vijiji waliojivua gamba kuwa ni pamoja na Mwenyekiti wa Kitongoji cha Azimio, na Mwenyekiti wa Kijiji cha Samora, aliyefahamika kwa jina la Mzee Mpotto.

Chanzo: Tanzania Daima

MALAWI, TANZANIA KUKUTANA AGOSTI 20

na Ratifa Baranyikwa

WAWAKILISHI wa Malawi na Tanzania wamepanga kukutana mjini Mzuzu, nchini Malawi Agosti 20 mwaka huu, kwa ajili ya kujadili juu ya mzozo wa mpaka katika Ziwa Nyasa.

Nchi hizo mbili kwa sasa zimeingia katika mgogoro wa maneno baada ya Malawi hivi karibuni kusema kuwa inamiliki eneo lote la ziwa hilo kwa mujibu wa mikataba ya kikoloni.

Hata hivyo, Tanzania kwa upande wake inadai kuwa mpaka baina yake na Malawi umepita katikati ya ziwa hilo ambalo limekuwa likiitwa Ziwa Nyasa wakati Malawi wao wakiliita ziwa Malawi.

Katika mahojiano yake na gazeti la The Nation la nchini Malawi, Waziri wa Mambo ya Nje na Ushirikiano wa Kimataifa wa nchi hiyo, Ephraim Mganda Chiume, alisema wakati wakifahamu msimamo wa Tanzania kuhusu suala hilo, pande mbili zitakutana pamoja na mambo mengine zitajadili kwa kina juu ya suala hilo.

“Katika mkutano niliokutana na Waziri mwenzangu wa Mambo ya Nje na Ushirikiano wa Kimataifa wa Tanzania wiki chache zilizopita, iliamriwa kuwa pande zote mbili zikutane Malawi, mjini Mzuzu kwa haki kabisa kuendelea na majadiliano juu ya mgogoro unaoendelea.

“…Nafahamu kile kilichoafikiwa Dar es Salaam juu ya msimamo unaojulikana wa kuzitaka kampuni za Malawi zinazoendelea na shughuli za kutafiti mafuta na gesi katika Ziwa Malawi kusitisha mara moja hadi pale suala la mgogoro wa mpaka litakapopatiwa ufumbuzi,” alisema waziri huyo.

Pasipo kuzungumzia juu ya lolote linaloendelea kuhusu suala hilo wakati huu ambapo kuna ratiba ya mkutano wa Agosti 20, waziri huyo alisema kuwa msimamo wa serikali ya Malawi utajulikana katika muda muafaka na mfupi ujao na kwamba hebu waipe nafasi diplomasia.

Kauli ya Chiume kwa gazeti la The Nation la nchini Malawi imekuja kwa kile gazeti hilo lilichodai kuwa ni baada ya msimamo wa Tanzania kama ulivyoripotiwa katika vyombo vya habari kwenye mtandao vya www.citizen.co.tz, ippmedia.com na in2eastafrica.net Jumanne wiki hii juu ya kauli ya serikali kuyataka makampuni ya yanayofanya shughuli ya kutafuta mafuta na gesi kuacha mara moja, hadi pale suala la mpaka kati ya nchi hizo mbili utakapotatuliwa.

Waziri wa Mambo ya Nje wa Tanzania, Bernard Membe, aliliambia Bunge mjini Dodoma kuwa kuanzia Agosti 6 mwaka huu hakuna mtu yeyote anayeruhusiwa kufanya shughuli ya kutafiti, au kutafuta mafuta katika ziwa hilo ili kuyapa nafasi majadiliano yanayoendelea ya kutatua mzozo wa mpaka.

Mgogoro wa mpaka kati ya Tanzania na Malawi si mgeni, suala hilo liliwahi kuibuliwa miaka ya 1960 na muasisi wa Taifa la Malawi, Rais Hastings Kamuzu Banda ambaye alidai kuwa ziwa hilo na eneo lote la mkoa wa Mbeya ni sehemu ya Malawi.

Kamuzu aliripotiwa kuegemea mkataba wa wakoloni Julai 1, 1890 kati ya Uingereza na Ujerumani ambao unasema mpaka kati ya nchi hizo mbili ni pembezoni mwa pwani ya ziwa.

Kwa upande wake, Membe alisema Tanzania ina ramani ya Waingereza ambao wakati huo waliongoza Tanganyika na Nyasaland (sasa Malawi) ambayo inaonyesha kuwa kulikuwa na makubaliano ya kupitia upya mpaka na kuonyesha kuwa ulikuwa ukipita katikati ya ziwa.

Chanzo: Tanzania Daima

NAMTUMBO WAMPATA MAKAMU MWENYEKITI

na Stephano Mango, Songea

MADIWANI wa Halmashauri ya Wilaya ya Namtumbo mkoani Ruvuma, wamemchagua Titus Ngoma kwa kura 24 kuwa Makamu Mwenyekiti wa Halmashauri hiyo atakayeongoza kwa kipindi cha mwaka mmoja kuanzia mwezi huu.

Akizungumza na waandishi wa habari mjini hapa jana mara baada ya kumalizika kwa kikao cha Baraza la Madiwani, Mwenyekiti wa Halmashauri hiyo, Steven Nana alisema madiwani katika halmashauri hiyo wapo 24 na wote kwa ujumla wao wamemchagua Diwani wa Kitanda kushika nafasi hiyo.

Nana alisema sheria na kanuni za mabaraza ya madiwani zinaeleza wazi kwamba Mwenyekiti wa Halmashauri akichaguliwa ataongoza kwa kipindi cha miaka mitano ila nafasi ya makamu mwenyekiti na kamati mbalimbali za madiwani zinachaguliwa kila baada ya mwaka mmoja.

Awali, nafasi hiyo ilikuwa inashikiliwa na Diwani wa Hanga, Kassim Ntala aliyeongoza kwa mwaka mmoja na kwamba awamu hii hakugombea nafasi hiyo.

Alifafanua kuwa, mchakato wa kumpata Ngoma ulianza ndani ya Chama Cha Mapinduzi (CCM) Wilaya ya Namtumbo na kupelekwa mkoani kabla ya kurudishwa kwa ajili ya uchaguzi huo ambapo wagombea watatu walichuana.

Aliwataja waliokuwa wagombea kwenye kinyang’anyiro hicho na kura zao kwenye mabano kuwa ni Daniel Nyambo (4), Gidion Mpilime (6) na Titus Ngoma (14).

Chanzo: Tanzania Daima

DIWANI AHUJUMU PESA ZA MFUKO WA JIMBO SONGEA

Mwandishi wetu, Songea. 

Jumla ya Shilingi 1,500,000/= zilizotolewa na Mfuko wa Jimbo la Peramiho Songea Vijijini  ili zisaidie vikundi vya Muungano na Kikundi cha Umoja katika Kijiji cha Mpandangindo Songea Vijijini  hazijawafikia Walengwa.

Mwenyekiti wa Kikundi cha Muungano Zeituni Msemwa na Mwenyekiti wa Kikundi cha Umoja Winifrida Mapunda, walisema kuwa wamepokea barua kutoka Halmashauri ya wilaya ya Songeaya tarehe 28/06/2012 kumbukumbu namba DED/F,10/94/130  kufahamishwa kuwa Mfuko wa Jimbo umetoa Shilingi 1,500,000/=  lakini walipouliza kwa Diwani Gotald Haule alikuwa hana majibu.

Mwenyekiti wa Muungano Zeituni Msemwa alipofanya uchunguzi amebaini kuwa fedha hizo zilizotolewa na Mfuko wa Jimbo la Peramiho zimechukuliwa na Diwani Gotald Haule akishirikiana na Mtendaji wa kijiji cha mpandangindo Songea vijijini  kwa kughushi sahihi za wajumbe wa Muungano na Umoja.

Kaimu Mkurugenzi wa Halmashauri ya wilaya ya Songea Caseman Maswaga amesema uchukuaji wa fedha hizo umeshirikisha watu wawili wanaoaminiwa na Halmashauri ya wilaya ya songea , Mtendaji wa kijijij na Diwani wa kata ya mpndangindo hao ndio watu wa kwanza kuhojiwa kaimu mkurugenzi amesema tume ita tumwa ili kuwabaini wote walio husika ili sheria ichukue mkondo wake.

Afisa Mipango ambaye ni Katibu wa Uratibu wa Mfuko huo wa Jimbo la Peramiho Nema Hashimu amekiri kutoa fedha hizo kwa niaba ya Mkurugenzi bila kujua majina yaliyosndikwa ni ya wajumbe.

UFISADI MWINGINE: MIL. 70 ZA WAATHIRIKA WA UKIMWI SONGEA ZAHUJUMIWA

Adamu Nindi – Songea

 

Mratibu wa Kudhibiti UKIMWI Mkoa wa Ruvuma TACIDS Emanueli Petro amesema atachukua hatua za kisheria kwa wale wote walio husika na ubadhilifu wa fedha zilizo tolewa na Water Read kwa ajili ya Kuwasaidia waathirika wa UKIMWI Mkoani humo.

 

Kauli ya Petro inakuja baada ya baada ya Uongozi uliokuwa ukiongozwa na Benardi Mapunda kubainika kufuja fedha zilizo letwa kupitia SHDEPH ambazo zilitolewa na wafadhili wa Water Read kutoka Mbeya kiasi cha shilingi 70milioni na ndoo 721 ambazo zilitolewa pia na PSI kupotea katika mazingira yasiyojulikana.

Petro alisema kutokana na kutojulikana kwa matumizi ya fedha hizo, ni dhahiri kuwa watuhumiwa hao walitumia pesa kinyume cha malengo tarajiwa na kwamba sheria ya UKIMWI ina ruhusu kumchukulia hatua za kisheria mtu yeyote ambaye ametumia fedha za mradi kinyume cha utaratibu.

 

Mkurugenzi wa SHDEPH + kutoka makao Makuu Da-es –salamu Joseph Katto alisema kumekuwa na tabia kwa watu wasio wanachama kujipachika kwenye SHDEPH + na kufuja fedha za waathirika na kwamba taratibu zinafanywa ili kuwabaini wanao husika na vitendo hivyo.

Maratibu wa SHDEPHA+ Mkoa wa Ruvuma Imedda Fussi na Makamu mwenyekiti wa SHDEPH+ Mkoa wa Ruvuma Philimini Chanaye wameiomba SerIkaLi kuwachukulia hatua watu ambao hawana huruma na roho za wenzao ambao wana ngoja faraja kutoka kwao lakini wao wanawahujumu

 

SERIKALI KUTOA USHIRIKIANO KWA TAASISI ZA DINI

Adam Nindi, Songea  

 

Waziri wa Mambo ya Ndani ya Nchi Dr Emanuel John Nchimbi amesema Serekari ya Jamuhuri ya Mungano wa Tanzania itaendelea kutoa ushirikiano na Tasisi za Dini katika kuendeleza Elimu Nchini.

 

Dr Emanueli John Nchimbi ameyasema hayo wakati wa maafali ya chuo kuku cha Mawasiliano cha St, Joseph kilichopo manspaa ya Songea wakati akiwatunukia vyeti vya Stashahada wanafunzi 3 na Shahada watu 13

 

Waziri Nchimbi amesema Mkoa wa wa Ruvuma ni miongoni mwa mikoa inayo tegemewa kwa kilimo hivyo chuo cha St, Joseph kuanzisha masomo ya kilimo ni moja ya kuinua uchumi wa mkoa wa Ruvuma

 

Mhashamu Asikofu Mkuu wa Jimbo la Songea Norobet Mtega amewataka wana chuo walio maliza kutumia elimu yao kwa vitendo pamoja na kufanya utafiti mbalimbali ili elimu hiyo iwasaidie watanzania endapo wata kaa mda mrefu elimu hiyo inaweza kuwatoka

 

Mkurugenzi wa Vyuo vikuu vilivyo chini ya DMI Duniani Anath Anath amemuhakikishia waziri kuwa stashahada na shahada walizo pata za unginia ni sahihi matokeo yake yataonekana kwa watanzania hata nidhamu kikazi walio nayo ni yahali ya juu

 

Wanafunzi walio hitimu mafunzo katika chuo hicho wameahidi kutumia vizuri kodi ya wananchi

 

Chuo kikuu cha St, Joseph kina jumula ya wanafunzi 676 wanafunzi wa kike 112 na wakiume 564,

Blogzamikoa

www.blogszamikoa.blogspot.com